مقادير و طريقة تحضير حلوة الرخامة
نص كيلو كاوكاو محمر و مقشر و مهرمش فالمكينة ميكونش مطحون بزاف
نعجنوه بشوية د العسل حتى تجمع و يولي عجين
ناخدو لاطة و نفرشو فوقها
تنسرحو عليها عجين الكاوكاو بيدينا حتى نديرو طبقة من الكاوكاو متكونش رقيقة بزاف
ندوبو رابعة ديال الشكلاط الابيض فحمام مريم
و نصبوه فوق الكاوكاو و تنقادوه
و تنخليو الشكلاط يجمد فوق الكاوكاو
بلا مندخلوه للثلاجة ويلا دخلتيها غير لتحت ماشي فريكو
ملي يجمد نحيدو صفيحة الشكلاط و الكاوكاو من اللاطة الي كان مفرش تحت منو papier sulférisé
ونحاولو بشوية نقلبو صفيحة الشكلاط و الكا وكاو فوق الاطة بحيث الجهة الي غطينا بالشكلاط تولي لتحت
و الجهة د الكاوكاو لي باقي متغطاتش بالشكلاط تولي الفوق
و نقلبو بشويه داك كاوكاو بحال الا تنقلبو الكيكه على شي طبسيل
